Deiziadur Diwan 2023
Ijinet eo bet deiziadur ar bloaz-mañ gant izili ar bodad-labour deiziadur Kuzul Skoazell Diwan Kastellin. Ur stumm nevez a vez kinniget deoc’h evit deiziadur Diwan 2023 gant m’emañ deiziadur Diwan 2023 kentoc’h evel ul levr bannoù-treset.
Kontañ a ra deomp troioù-kaer Gwennin hag he labousig Burzhud. Graet e vo ur veaj vrav ganto tro-dro ar bed a-hed ar bloavezh. Kinniget vo deoc’h gant Gwennin ha Burzhud ober anaoudegezh gant pobloù all, komzet ur yezh vihan niver ganto, ur yezh hag a c’hell bezañ marjinalijet pe e dañjer. Mizioù ‘zo e kavoc’h ur c’hod QR hag a gaso deoc’h d’ur video evit klevout tonioù pe gwelout tud oc’h implij yezhoù all.
E brezhoneg hag e galleg eo an istor evit ma vo aes d’an holl heuliañ anezhi.
Gallout a rit lenn enlinenn an istor o klikañ amañ. Ha sellet ouzh ar video zo bet dija embannet war chadenn Youtube Skol Diwan Kastellin.
