Deiziadur Diwan 2025

Egor zo tem deiziadur ar bloaz-mañ. Krouet eo bet gant kerent skolidi ha skolidi skol Diwan Plabenneg. Gant an deiziadur Diwan 2025 eo kinniget deoc’h beajiñ war hent-Sant-Jakez (anv ar “Voie lactée” e brezhoneg).

Deskiñ a rit anvioù oabrennoù, planedoù ha galaksi zo tro-dro d’hon Douar bihan. Un deiziadur astronomiek eo ivez ha kavout a rit notennet e-barzh ar mareoù bras.

Adkavit eus miz Genver betek miz Kerzu galksi Andromeda, oabrenn ar galon, al loar, oabrenn Orion hag he c’houriz, oabrenn Amerika an Hanternoz, galaksi an droenn, oabrenn penn ar marc’h, krater Klavius, oabrenn ar skubelenn sorserez, dantelezh veur an alarc’h, oabrenn ar rozennig hag hor steredenn muiañ karet : an heol !

Luc’hskeudennoù : Pierre-Yves Morvan
Tresadennoù Tom Pesked : skolidi Diwan Plabenneg
Testennoù : Kerent ha skolidi skol Diwan Plabenneg
Moullet e Breizh war paper heuliet gant Roudenn Grafik